"Milan" rahbariyati portugaliyalik hujumchi Rafael Leau bilan hamkorlikni uzaytirishdan manfaatdor. Bu haqda insayder Ekrem Konur ijtimoiy tarmoqlar orqali xabar berdi.
Manbaga ko‘ra, "rossonerilar" 23 yoshli futbolchiga 2027 yilning o‘rtalariga qadar mehnat shartnomasi taklif qiladi.
Muzokaralar sababi Rafaelga Londonning "Chelsi"si tomonidan qiziqish bo‘lgan. "Aristokratlar" yozgi transfer oynasida hujumchi bilan shartnoma imzolashga harakat qilishdi.
Italiya A seriyasining yangi mavsumida Leau beshta o‘yinda qatnashib, uchta gol va ikkita golli uzatmani amalga oshirdi.
