"PSJ" himoyachisi Markinyos jamoaning Chempionlar ligasiga qanchalik tayyor ekanligi haqida gapirib o‘tdi, shuningdek, parijliklar o‘yinning qaysi jihatlariga e’tibor qaratishlari kerakligini ta’kidladi.

“Biz ajoyib tayyorgarlik va yaxshi o‘yinlar o‘tkazdik. Bilamizki, Chempionlar ligasi o‘yinlari o‘zgacha, ular o‘ziga xos konteksga ega. Tayyorgarlik tugallandi, endi uyda yaxshi o‘ynashimiz kerak. O‘tkazib yuborilgan gollarsiz o‘tkazilgan bir nechta uchrashuvlar bizga ishonch bag‘ishlaydi. Hujumkor jamoa bo‘lganimizga qaramay, o‘z darvozamiz oldidagi vaziyatlardan ham yaxshi chiqib keta olyapmiz. Himoyada samarali bo‘lish muhim. Hujumchilarimiz albatta kamida bir yoki ikkita gol urishini bilamiz", - deya Markinyosning so‘zlarini keltiradi GFFN.

Joriy mavsumda 28 yoshli braziliyalik parijliklar safida barcha musobaqalarda 7ta o‘yin o‘tkazib, 1ta gol urgan.

"PSJ" Chempionlar ligasi guruh bosqichining ilk uchrashuvida “Yuventus”ni qabul qiladi. Uchrashuv 6 sentyabr, seshanba kuni bo‘lib o‘tadi.