"ПСЖ" ҳимоячиси Маркиньос жамоанинг Чемпионлар лигасига қанчалик тайёр эканлиги ҳақида гапириб ўтди, шунингдек, парижликлар ўйиннинг қайси жиҳатларига эътибор қаратишлари кераклигини таъкидлади.
“Биз ажойиб тайёргарлик ва яхши ўйинлар ўтказдик. Биламизки, Чемпионлар лигаси ўйинлари ўзгача, улар ўзига хос контекцга эга. Тайёргарлик тугалланди, энди уйда яхши ўйнашимиз керак. Ўтказиб юборилган голларсиз ўтказилган бир нечта учрашувлар бизга ишонч бағишлайди. Ҳужумкор жамоа бўлганимизга қарамай, ўз дарвозамиз олдидаги вазиятлардан ҳам яхши чиқиб кета оляпмиз. Ҳимояда самарали бўлиш муҳим. Ҳужумчиларимиз албатта камида бир ёки иккита гол уришини биламиз", - дея Маркиньоснинг сўзларини келтиради GFFN.
Жорий мавсумда 28 ёшли бразилиялик парижликлар сафида барча мусобақаларда 7та ўйин ўтказиб, 1та гол урган.
"ПСЖ" Чемпионлар лигаси гуруҳ босқичининг илк учрашувида “Ювентус”ни қабул қилади. Учрашув 6 сентябрь, сешанба куни бўлиб ўтади.
