«Andijon» hamda AGMK o‘rtasidagi o‘yindan so‘ng andijonliklar safida to‘liq o‘yin o‘tkazgan iqtidorli futbolchi Abdurahmon Komilov o‘z fikrlarini bildirdi.

«O‘yin qiyin bo‘lishini bilgandik. Shunga qarab yaxshi tayyorgarlik ko‘rdik. AGMK jamoasiga munosib qarshilik ko‘rsatdik. Ularga qarshi har bir jabhada qarshilik ko‘rsatishga ulgurdik. Ayrim xatolarimiz evaziga mag‘lub bo‘ldik. Yutqazganimizga qaramay, muxlislarimiz biz bilan birga bo‘lishdi. Bizni qo‘llab-quvvatlab turishgani uchun ularga rahmat. Keyingi uchrashuvlarda g‘alaba qozonib ularni xursand qilamiz, albatta.

Bizga AGMK bilan uchrashuvda birinchi navbatda omad yetishmadi. Xatolardan to‘g‘ri xulosa chiqaramiz.

Albatta, AGMK biz kutgan o‘yinni ko‘rsatdi. Raqib mahoratli futbolchilardan tashkil topgan. Qolaversa, Superligada sovrinli o‘rinlar uchun kurashyapti», - deydi Komilov.