"Manchester Yunayted"ning sobiq himoyachisi Gari Nevill "qizil iblislar"ning "Arsenal"ga qarshi o‘yinidan so‘ng, mavsum yakunida kim APLning kuchli to‘rttligiga kirishini aytdi.

Uning ta’kidlashicha, "Manchester Yunayted" Angliya Premyer-ligasi turnir jadvalida kuchli to‘rtlikdan joy olish uchun kurashishi kerak.

“O‘ylashimcha, “Manchester Siti”, “Liverpul” va “Tottenxem” kuchli uchlikka kirishadi. Menimcha, “Chelsi”, “Arsenal” va “Manchester Yunayted”... kuchli to‘rtlikka kirish uchun o‘zaro kurash olib boradi”, — dedi Nevill.

Eslatib o‘tamiz, kechagi “Arsenal” ustidan qozonilgan g‘alabadan so‘ng (3:1) "mankunianliklar" o‘z o‘rnini yaxshilab olishdi. "MYU" 12 ochko bilan beshinchi o‘rinda bormoqda.