"Chelsi" himoyachisi Ris Jeyms klub bilan yangi shartnoma imzolagani haqidagi taassurotlari bilan o‘rtoqlashdi.

“Yangi shartnoma bilan yettinchi osmondaman va muxlislarga, yangi xo‘jayinga va klubda ishtirok etgan barchaga minnatdorchilik bildiraman. Ishonchim komilki, bizda ko‘plab sovrinlarni qo‘lga kiritish imkoniyati bo‘ladi. Men bu klubni qo‘llab-quvvatlab o‘sganman, olti yoshimdan beri shu yerdaman. Men yangi shartnoma imzoladim, chunki bu men bo‘lishni istagan klub. Oldinda bizni yorqin kelajak kutmoqda", - dedi Jeyms.

"Chelsi" 22 yoshli ingliz futbolchisi bilan 5 yillik shartnoma imzoladi.

Jeyms "Chelsi" tarbiyalanuvchisi hisoblanadi. Himoyachi joriy mavsumda APLda 5 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Transfermarkt portali futbolchining narxini 60 million yevroga baholamoqda.