"Yuventus" yarim himoyachisi Pol Pogba meniskus jarohatini operasiya qilishga rozi bo‘ldi, deb xabar beradi jurnalist Janluka Di Marsio sayti.
Yangi tekshiruvlar konservativ davo yomon natija berganini ko‘rsatdi, shuning uchun yarim himoyachi endi operasiya qilinadi.
Pogba 6 haftadan so‘ng mashg‘ulotlarga qaytishi kutilmoqda. Futbolchining tiklanishining rasmiy shartlari keyinroq e’lon qilinadi.
29 yoshli fransiyalik iyul oyida jamoa mashg‘ulotlarida jarohat olgan edi. Dastlab u terma jamoa tarkibida 2022 yilgi jahon chempionatiga borish uchun operasiyadan bosh tortgandi.
Pogba shu yozda “Yuventus”ga tekinga o‘tdi va klub bilan 4 yillik shartnoma imzoladi.
