"Ювентус" ярим ҳимоячиси Поль Погба менискус жароҳатини операция қилишга рози бўлди, деб хабар беради журналист Жанлука Ди Марцио сайти.
Янги текширувлар консерватив даво ёмон натижа берганини кўрсатди, шунинг учун ярим ҳимоячи энди операция қилинади.
Погба 6 ҳафтадан сўнг машғулотларга қайтиши кутилмоқда. Футболчининг тикланишининг расмий шартлари кейинроқ эълон қилинади.
29 ёшли франциялик июль ойида жамоа машғулотларида жароҳат олган эди. Дастлаб у терма жамоа таркибида 2022 йилги жаҳон чемпионатига бориш учун операциядан бош тортганди.
Погба шу ёзда “Ювентус”га текинга ўтди ва клуб билан 4 йиллик шартнома имзолади.
