"Bolonya" bosh murabbiyi Sinisha Mixaylovich o‘z lavozimidan ozod etilishi mumkin. Klub rahbariyati bosh murabbiyni istefoga chiqarish imkoniyatini ko‘rib chiqmoqda, deb yozadi insayder Nikolo Skira.
"Bolonya" yangi murabbiy lavozimiga asosiy nomzodlarni aniqlab bo‘ldi. Ushbu ro‘yxatga uchta mutaxassis kiritilgan: Paulo Souza, Klaudio Ranyeri va Tiago Motta.
Jamoa hozirda turnir jadvalida 16-o‘rinni egallab turibdi. A Seriyaning beshta uchrashuvida "Bolonya" bor-yo‘g‘i 3 ochko to‘pladi.
Eslatib o‘tamiz, Mixaylovich vaqti-vaqti bilan leykemiya bilan kurashadi. Murabbiy kasallik haqida ilk bor 2019 yilning iyulida gapirgan.
