"Болонья" бош мураббийи Синиша Михайлович ўз лавозимидан озод этилиши мумкин. Клуб раҳбарияти бош мураббийни истефога чиқариш имкониятини кўриб чиқмоқда, деб ёзади инсайдер Николо Скира.

"Болонья" янги мураббий лавозимига асосий номзодларни аниқлаб бўлди. Ушбу рўйхатга учта мутахассис киритилган: Пауло Соуза, Клаудио Раньери ва Тиаго Мотта.

Жамоа ҳозирда турнир жадвалида 16-ўринни эгаллаб турибди. А Сериянинг бешта учрашувида "Болонья" бор-йўғи 3 очко тўплади.

Эслатиб ўтамиз, Михайлович вақти-вақти билан лейкемия билан курашади. Мураббий касаллик ҳақида илк бор 2019 йилнинг июлида гапирган.