“Shaxtyor”ning 33 yoshli sardori Taras Stepanenko Yevropa Chempionlar Ligasi guruh bosqichining 1-turida Germaniyaning “Leypsig” klubiga qarshi safar o‘yini (4:1) haqida fikr bildirdi.

“Hatto eng dahshatli tushlarimda ham to‘rtta golimiz bilan bunday o‘yinni tasavvur qila olmasdim. Lekin biz yaxshi o‘ynadik va bugun shunday natijaga loyiq ekanligimizni his qilyapman. Ha, men klubda o‘n yildan ortiq vaqtdan beri o‘ynayman. Bu yangi jamoa, lekin ko‘plab yosh futbolchilarimiz "Shaxtyor" akademiyasidan. Ular “Shaxtyor”ning ruhi bilan sug‘orilgan va bu bizga katta yordam bermoqda. Bizda ahil va irodali jamoa bor.

Qur’a natijalarini ko‘rishim bilanoq, guruh qiyin ekanligini darhol angladim, lekin jamoamiz kuchli va natijaga erishishi kerakligiga shubham ham yo‘q edi. Biz oldinga borishni xohlaymiz, lekin ba’zida yosh futbolchilarga barqarorlik yetishmayapti", - dedi Stepanenko UYEFA matbuot xizmatiga.

Eslatib o‘tamiz, guruh bosqichining 2-turida "Shaxtyor" o‘z maydonida Shotlandiyaning "Seltik" klubini qabul qiladi, "Leypsig" esa "Real" bilan safarda o‘ynaydi.