“Шахтёр”нинг 33 ёшли сардори Тарас Степаненко Европа Чемпионлар Лигаси гуруҳ босқичининг 1-турида Германиянинг “Лейпциг” клубига қарши сафар ўйини (4:1) ҳақида фикр билдирди.

“Ҳатто энг даҳшатли тушларимда ҳам тўртта голимиз билан бундай ўйинни тасаввур қила олмасдим. Лекин биз яхши ўйнадик ва бугун шундай натижага лойиқ эканлигимизни ҳис қиляпман. Ҳа, мен клубда ўн йилдан ортиқ вақтдан бери ўйнайман. Бу янги жамоа, лекин кўплаб ёш футболчиларимиз "Шахтёр" академиясидан. Улар “Шахтёр”нинг руҳи билан суғорилган ва бу бизга катта ёрдам бермоқда. Бизда аҳил ва иродали жамоа бор.

Қуръа натижаларини кўришим биланоқ, гуруҳ қийин эканлигини дарҳол англадим, лекин жамоамиз кучли ва натижага эришиши кераклигига шубҳам ҳам йўқ эди. Биз олдинга боришни хоҳлаймиз, лекин баъзида ёш футболчиларга барқарорлик етишмаяпти", - деди Степаненко УЕФА матбуот хизматига.

Эслатиб ўтамиз, гуруҳ босқичининг 2-турида "Шахтёр" ўз майдонида Шотландиянинг "Селтик" клубини қабул қилади, "Лейпциг" эса "Реал" билан сафарда ўйнайди.