Myunxenning “Bavariya” klubi himoyachisi Luka Ernandes Chempionlar ligasi guruh bosqichi 1-turi doirasidagi “Inter”ga qarshi o‘yindan oldingi fikrlari bilan o‘rtoqlashdi.
"Biz bu o‘yinni anchadan beri kutgan edik. Biz to‘liq tayyormiz va yana Chempionlar ligasida o‘ynashni intiqlik bilan kutamiz. Muhit haqiqatan ham juda yaxshi. Biz katta kuch va tajovuzkorlik bilan mashq qildik. Biz yaxshi futbol ko‘rsatib, g‘alaba qozonishni istaymiz", - dedi Ernandes "Bavariya" klubi rasmiy saytiga.
Eslatib o‘tamiz, "Inter" - "Bavariya" uchrashuvi bugun "Juzeppe Measa" stadionida Toshkent vaqti bilan soat 00:00da boshlanadi.
Bu klublar oxirgi marta 2011 yilda 1/8 final bosqichida rasmiy o‘yinda to‘qnash kelishgan. O‘shanda ikki o‘yin natijasiga ko‘ra, “Inter” keyingi bosqichga yo‘l olgandi.
