Мюнхеннинг “Бавария” клуби ҳимоячиси Лука Эрнандес Чемпионлар лигаси гуруҳ босқичи 1-тури доирасидаги “Интер”га қарши ўйиндан олдинги фикрлари билан ўртоқлашди.
"Биз бу ўйинни анчадан бери кутган эдик. Биз тўлиқ тайёрмиз ва яна Чемпионлар лигасида ўйнашни интиқлик билан кутамиз. Муҳит ҳақиқатан ҳам жуда яхши. Биз катта куч ва тажовузкорлик билан машқ қилдик. Биз яхши футбол кўрсатиб, ғалаба қозонишни истаймиз", - деди Эрнандес "Бавария" клуби расмий сайтига.
Эслатиб ўтамиз, "Интер" - "Бавария" учрашуви бугун "Жузеппе Меаца" стадионида Тошкент вақти билан соат 00:00да бошланади.
Бу клублар охирги марта 2011 йилда 1/8 финал босқичида расмий ўйинда тўқнаш келишган. Ўшанда икки ўйин натижасига кўра, “Интер” кейинги босқичга йўл олганди.
