"Brayton" texnik direktori Devid Ueyr jamoa sobiq bosh murabbiyi Grem Potterning "Chelsi"ga o‘tishi haqida fikr bildirdi. 8 sentyabr kuni London klubi 47 yoshli ingliz bilan 5 yilga mo‘ljallangan shartnoma imzolaganini e’lon qildi.
“Men Grem va uning barcha xodimlariga qilgan barcha ishlari uchun minnatdorchilik bildirmoqchiman. Klubdagi faoliyatim davomida ular bilan ishlash juda yoqimli edi. Grem juda zo‘r ish qildi va men unga kelajakdagi eng yaxshi narsalarni tilayman. Biroq, biz tezda harakat qilishimiz kerak va hozirda eng muhim vazifa Kroftsga o‘yinchilarni shu hafta oxirida Bornmutdagi o‘yinga tayyorlash uchun barcha zarur yordamni berishdir."
Avvalroq 21 yoshgacha bo‘lganlar jamoasini boshqargan Endryu Krofts "Brayton"ning vaqtinchalik bosh murabbiyi etib tayinlandi.
2022/23 yilgi mavsumning 6 turidan so‘ng “chag‘alaylar” 6 o‘yindan keyin 13 ochko to‘plagan holda Premyer-liga turnir jadvalida to‘rtinchi o‘rinni egallab turibdi. Keyingi o‘yinda "Brayton" safarda "Bornmut" bilan o‘ynaydi. Uchrashuv 10 sentyabr kuni bo‘lib o‘tadi va Toshkent vaqti bilan soat 19.00da boshlanadi.
