"Брайтон" техник директори Дэвид Уэйр жамоа собиқ бош мураббийи Грэм Поттернинг "Челси"га ўтиши ҳақида фикр билдирди. 8 сентябрь куни Лондон клуби 47 ёшли инглиз билан 5 йилга мўлжалланган шартнома имзолаганини эълон қилди.
“Мен Грэм ва унинг барча ходимларига қилган барча ишлари учун миннатдорчилик билдирмоқчиман. Клубдаги фаолиятим давомида улар билан ишлаш жуда ёқимли эди. Грэм жуда зўр иш қилди ва мен унга келажакдаги энг яхши нарсаларни тилайман. Бироқ, биз тезда ҳаракат қилишимиз керак ва ҳозирда энг муҳим вазифа Крофтсга ўйинчиларни шу ҳафта охирида Борнмутдаги ўйинга тайёрлаш учун барча зарур ёрдамни беришдир."
Аввалроқ 21 ёшгача бўлганлар жамоасини бошқарган Эндрю Крофтс "Брайтон"нинг вақтинчалик бош мураббийи этиб тайинланди.
2022/23 йилги мавсумнинг 6 туридан сўнг “чағалайлар” 6 ўйиндан кейин 13 очко тўплаган ҳолда Премьер-лига турнир жадвалида тўртинчи ўринни эгаллаб турибди. Кейинги ўйинда "Брайтон" сафарда "Борнмут" билан ўйнайди. Учрашув 10 сентябрь куни бўлиб ўтади ва Тошкент вақти билан соат 19.00да бошланади.
