Dortmundning "Borussiya" klubi sport direktori Sebastyan Kel hujumchi Erling Xolandning "Manchester Siti"ga o‘tishi haqida fikr bildirdi. Futbol funsionerining so‘zlariga ko‘ra, transfer vaqti juda zo‘r bo‘lgan.

“Biz Erlingning jamoamizdagi muvaffaqiyatli o‘yinini to‘liq tan olamiz va qadrlaymiz, ammo klubdagi faoliyatining so‘nggida u muammoga aylandi. Klubda ham, kiyinish xonasida ham.

Shuni hisobga olib, uni sotish vaqti to‘g‘ri tanlangan. Bu bizga ham, "Manchester Siti"ga ham juda mos tushdi. Endi bizda yangi mavsumdagi dastlabki 10 ta gol 10 xil futbolchi tomonidan kiritilgan. Bu qarorning to‘g‘riligidan dalolatdir", - dedi Kel.

Joriy mavsumda Xoland “Manchester Siti” safida 8 ta o‘yinda 12 ta gol va 1 ta golli uzatmani amalga oshirdi.

14 sentyabr kuni “shaharliklar” Chempionlar ligasi guruh bosqichida “Borussiya” bilan o‘z uyida bahs olib boradi.