Дортмунднинг "Боруссия" клуби спорт директори Себастьян Кель ҳужумчи Эрлинг Холанднинг "Манчестер Сити"га ўтиши ҳақида фикр билдирди. Футбол фунционерининг сўзларига кўра, трансфер вақти жуда зўр бўлган.

“Биз Эрлингнинг жамоамиздаги муваффақиятли ўйинини тўлиқ тан оламиз ва қадрлаймиз, аммо клубдаги фаолиятининг сўнггида у муаммога айланди. Клубда ҳам, кийиниш хонасида ҳам.

Шуни ҳисобга олиб, уни сотиш вақти тўғри танланган. Бу бизга ҳам, "Манчестер Сити"га ҳам жуда мос тушди. Энди бизда янги мавсумдаги дастлабки 10 та гол 10 хил футболчи томонидан киритилган. Бу қарорнинг тўғрилигидан далолатдир", - деди Кель.

Жорий мавсумда Холанд “Манчестер Сити” сафида 8 та ўйинда 12 та гол ва 1 та голли узатмани амалга оширди.

14 сентябрь куни “шаҳарликлар” Чемпионлар лигаси гуруҳ босқичида “Боруссия” билан ўз уйида баҳс олиб боради.