Superliganing 18-turidan o‘rin olgan "Paxtakor" - "Metallurg" (2:1) uchrashuvidan so‘ng mehmonlar bosh murabbiyi Luisma Ernandes o‘z fikrlari bilan o‘rtoqlashdi.

- Bugun ko‘rsatgan o‘yinimizdan mamnunman. Jangovor o‘yin bo‘ldi, biz "Paxtakor"ni yutishimiz yoki durang o‘ynashimiz ham mumkin edi.

O‘yin oxirida hakamlarga o‘yinni takroran ko‘rib tahlil qilishlarini iltimos qildim. Chunki ayrim vaziyatlarda hakamlar "Paxtakor"ga yon bosgandek ko‘rindi. Biz bilamiz, bu jamoaga hakamlar yordami zarur emas. Bugungi o‘yin ham VAR tizimi futbolda qanchalik muhimligini ko‘rsatib berdi.
Golgacha ham, goldan keyin ham jamoamiz shiddatli o‘yin namoyish qildi.

Biz bugun "Paxtakor" maydoniga tarixiy g‘alabani qo‘lga kiritish uchun kelgandik. Raqibda ham imkoniyatlar bo‘ldi. Bahsli vaziyatda gol urildi, lekin biz jamoamiz ko‘rsatgan o‘yindan xursandmiz.

Futbolchilarimiz uchrashuv davomida raqibga nisbatan keskin o‘ynagani yo‘q. Aksincha biz shiddatkor o‘yin namoyish qildik.