"Atletiko" hujumchi Antuan Grizmanning o‘yin vaqti tufayli yuzaga kelishi mumkin bo‘lgan sanksiyalardan xavotirda emas, deb xabar beradi Marca.
Madrid klubi OAVda "Barselona" fransiyalik futbolchining o‘yin vaqtini cheklash qaroridan norozi ekani haqidagi ma’lumot kataloniyaliklarning "Atletiko"ga bosim o‘tkazishga urinishi deb hisoblamoqda.
"Matraschilar"ning advokatlari vaziyatni to‘liq nazorat qilishlariga shubha qilishmaydi, chunki Grizmanning o‘yin vaqtini ataylab cheklash haqidagi da’voni isbotlab bo‘lmaydi.
Oldinroq "Barsa" "Atletiko"ni sudga bermoqchi ekani, madridliklar 31 yoshli fransiyalik futbolchining bonuslarni to‘lamaslik uchun maydondagi vaqtini ataylab cheklab qo‘yganiga ishongani ma’lum bo‘lgandi.
Agar u ikki mavsumda 50 foiz o‘yinda kamida 45 daqiqa o‘ynasa, "Atletiko" uni 40 million yevroga sotib olishi talab qilinadi. Joriy mavsumda ketma-ket 5 uchrashuvda hujumchi 60-daqiqadan keyin zaxiradan maydonga tushdi.
