"Атлетико" ҳужумчи Антуан Гризманнинг ўйин вақти туфайли юзага келиши мумкин бўлган санкциялардан хавотирда эмас, деб хабар беради Marca.

Мадрид клуби ОАВда "Барселона" франциялик футболчининг ўйин вақтини чеклаш қароридан норози экани ҳақидаги маълумот каталонияликларнинг "Атлетико"га босим ўтказишга уриниши деб ҳисобламоқда.

"Матрасчилар"нинг адвокатлари вазиятни тўлиқ назорат қилишларига шубҳа қилишмайди, чунки Гризманнинг ўйин вақтини атайлаб чеклаш ҳақидаги даъвони исботлаб бўлмайди.

Олдинроқ "Барса" "Атлетико"ни судга бермоқчи экани, мадридликлар 31 ёшли франциялик футболчининг бонусларни тўламаслик учун майдондаги вақтини атайлаб чеклаб қўйганига ишонгани маълум бўлганди.

Агар у икки мавсумда 50 фоиз ўйинда камида 45 дақиқа ўйнаса, "Атлетико" уни 40 миллион еврога сотиб олиши талаб қилинади. Жорий мавсумда кетма-кет 5 учрашувда ҳужумчи 60-дақиқадан кейин захирадан майдонга тушди.