Grizmann oltmishinchi daqiqadan so‘ng maydonga tushmoqda. Mavsumning g‘alati xususiyati "Atletiko" va "Barselona" o‘rtasidagi huquqiy kelishmovchilik natijasidir. Jahon chempionining sobiq klubi bilan ijara shartnomasi ikkinchi yili shunday ko‘rinish olmoqda. Grizmanni "Atletiko" sotib olishi shart, lekin shartnomadagi band uchun Grizmann o‘yinlarning 50 foizida yarmidan ko‘p vaqtni maydonda o‘tkazishi kerak edi.
O‘tgan mavsumda Antuan asosiy tarkib futbolchisi edi, 51 ta o‘yindan 36 tasida 45 daqiqadan ko‘p vaqtni maydonda o‘tkazdi. U bor yo‘g‘i 8 ta gol urdi, ammo Simeonega Antuan kerak emasdek. Grizmanning ketishini "Barselona" ham kutmoqda. Laporta futbolchi sotishda qiynalmoqda. Koutinyo bor-yo‘g‘i 20 million yevro evaziga kutdi. Breytveyt va Pyanich erkin agent sifatida ketishdi. Lengle va Umtiti ijarada va bechora "Lechche" Samuyelni to‘liq sotib olishi dargumon. "Barselona"ning ulkan qarzlari fonida katta yo‘qotishlar ham ko‘p.
Mojaroga Grizmanning maoshi sabab bo‘lmoqda. Kataloniyaliklar yozda yiliga 21 million yevro qarzdor bo‘lgan futbolchisini sota olishmadi, Kunde va Levandovski qiyinchilik bilan qaydnomaga kiritildi. Grizmann transferi ham, "Atletiko"ga bog‘liq. Agar u "Barselona"ga qaytsa, kataloniyaliklarda uni qaydnomaga kiritish bo‘yicha yana muammo bo‘ladi.
Grizmanning hurmatsizlikka bo‘lgan stoik munosabati ta’sirli. Yulduz futbolchi, millioner va jahon chempioni manipulyasiya qilinmoqda. "Barselona" sudda "Atletiko" qoidaga zid harakat qilayotganini ta’kidlamoqda.
Bu bir tomonlik qarash aslida. "Atletiko" Grizmanni sotib olmasligiga yetarlicha sabablar bor. Jamoada moliyaviy axvol yaxshi emas. Uning ustiga Tebas boshchiligidagi La Liga rahbariyati tuzgan qoidalar nafaqat "Barselona", balki "ayiqlar"ga ham ta’sir qilmoqda. Maosh chegarasi bo‘yicha "Atletiko" ko‘p bosh qotirishga majbur. Chunki jamoa futbolchilarga juda katta maosh to‘lamaydi. Shunchaki, Diyego Simeone jamoadagi eng ko‘p pul oladigan shaxs. Balki, Grizmann transferi amalga oshishi uchun jamoa murabbiydan voz kechishi shartdir. Ammo, "Atletiko"ning darajasi Siimeonega bog‘liq.
