"Brayton" yarim himoyachisi Billi Gilmor jamoaga Grem Potter sababli kelib qo‘shilgani ma’lum bo‘ldi. Futbolchining transferi amalga oshganidan olti kun o‘tib esa, murabbiy "Chelsi"ga o‘tib ketdi. Bu haqda jurnalist Alan Nikson ijtimoiy tarmoqlarda xabar berdi.
Eslatib o‘tamiz, Gilmor "Chelsi"dan "Brayton" safiga ko‘chib o‘tgan edi. "Ko‘klar"ning sobiq bosh murabbiyi Tomas Tuxel yarim himoyachini asosiy tarkibda ko‘rmayotganini va uning "Brayton"ga o‘tishiga qarshi emasligini bildirgandi.
Gilmorning transferi "Brayton"ga 10 million yevroga tushgandi. Shotlandiyalik futbolchi o‘tgan mavsumni "Norvich" safida ijara asosida o‘tkazdi va ular mavsum yakuniga ko‘ra Chempionshipga tushib ketishdi.
