“Barselona”ning yangi himoyachisi Jyul Kunde 2020 yilning yozida “Manchester Siti”ga o‘tmagani haqida gapirdi. Andalusiya klubida bir yil to‘p surgan fransiyalik futbolchi “shaharliklar” safiga o‘tishi mumkin edi, biroq transfer amalga oshmadi.
"Ha, "Sevilya"dagi birinchi mavsumimdan so‘ng Gvardiola menga qo‘ng‘iroq qildi va "Manchester Siti"ga taklif qildi. U meni yoqtirishini va jamoaga juda mos kelishimga ishonishini aytgandi", - dedi himoyachi El Pais bilan suhbatda.
Eslatib o‘tamiz, yozda Kunde boshqa ingliz klubi - "Chelsi"ga o‘tishi mumkin edi, ammo yakunda futbolchi "Barselona"ga o‘tdi. Yangi jamoasida fransiyalik futbolchi La Ligada ikkita golli uzatmani qayd etishga ulgurdi.
