“Барселона”нинг янги ҳимоячиси Жюль Кунде 2020 йилнинг ёзида “Манчестер Сити”га ўтмагани ҳақида гапирди. Андалусия клубида бир йил тўп сурган франциялик футболчи “шаҳарликлар” сафига ўтиши мумкин эди, бироқ трансфер амалга ошмади.

"Ҳа, "Севилья"даги биринчи мавсумимдан сўнг Гвардиола менга қўнғироқ қилди ва "Манчестер Сити"га таклиф қилди. У мени ёқтиришини ва жамоага жуда мос келишимга ишонишини айтганди", - деди ҳимоячи El Pais билан суҳбатда.

Эслатиб ўтамиз, ёзда Кунде бошқа инглиз клуби - "Челси"га ўтиши мумкин эди, аммо якунда футболчи "Барселона"га ўтди. Янги жамоасида франциялик футболчи Ла Лигада иккита голли узатмани қайд этишга улгурди.