Xabar berganimizdek, 2023 yili mamlakatimizda o‘tkaziladigan U-20 Osiyo kubogining saralash bahslari bo‘lib o‘tgan. Farhod Nishonov boshchilik qilayotgan O‘zbekiston U-19 terma jamoasi Saudiya Arabistonida bo‘lib o‘tayotgan U-20 Osiyo kubogi saralash bosqichi "A" guruhida norasmiy tarzda ishtirok etayapti.

Bugun yoshlarimiz mezbon — Saudiya Arabistoniga qarshi bahsda ishtirok etishdi. Hamyurtlarimiz uchrashuvning 34-daqiqasida Mahmud Jo‘raboyev tomonidan urilgan gol evaziga hisobni ochishdi. Saudiyaliklar esa o‘yin tugashiga 5 daqviqa qolganida muvozanatni tiklashdi. O‘zbekistonliklar durang haqida o‘ylamasdan oldinga tashlanishdi va o‘yin so‘ngida penalti tepish huquqini qo‘lga kiritishdi. Uni Rian Islamov golga aylantirib, jamoamizga g‘alabani taqdim etdi.

Ma’lumot o‘rnida. O‘zbekiston U-19 terma jamoasi dastlabki turlarda Maldiv va Myanmar ustidan g‘alaba qozongandi (7:0 va 3:0). Jamoamiz 18 sentyabr kuni Xitoyga qarshi so‘nggi bahsni o‘tkazadi.

AFC U20 saralash. 3-tur
Saudiya Arabistoni - O‘zbekiston - 1:2
Gollar: Fahad Alnemer (85ʼ) — Mahmud Jo‘raboyev (34ʼ), Rian Islamov (90ʼ penalti).