Hozirda Londonning “Chelsi” jamoasida o‘ynayotgan ispaniyalik darvozabon Kepa Arrisabalaga “ko‘klar”ning yangi rahbariyatini Premyer-ligadagi barcha yulduzlar o‘yinini o‘tkazish g‘oyasiga munosabat bildirdi.
“Bu juda katta voqea bo‘ladi. Premyer-ligada ajoyib futbolchilar ko‘p. Bu qarama-qarshilikni tomosha qilish qiziq bo‘lardi", - dedi Arrisabalaga The Mirror bilan suhbatda.
Eslatib o‘tamiz, "Chelsi"ning yangi xo‘jayini Todd Boeli Premyer-ligadagi barcha yulduzlar o‘yinini o‘tkazish tashabbusi bilan chiqqan edi.
Angliya chempionatining joriy mavsumida London klubi o‘n ochko jamg‘arib, turnir jadvalida oltinchi o‘rinni egallab turibdi.
