"Barselona" hujumchisi Rafinya "Real" vingeri Vinisius Juniorni qo‘llab-quvvatladi.
Oxirgi kunlarda Vinisiusni maydondagi xatti-harakatlari uchun tanqid qilishdi va raqiblarga hurmatsizlikda ayblashdi.
"Vini, men seni raqsga tushishingni ko‘rishni xohlayapman”, — deb yozdi Rafinya Instagram'ga Vinisiusning suratini joylab.
"Malyorka" bosh murabbiyi Xavyer Agirre La Liga doirasida "Real"ga qarshi o‘yinda (1:4) o‘z o‘yinchilariga Vinisius haqida: "Uni sindirib tashla" degani avvalroq xabar qilingandi. Braziliyalik futbolchi o‘yinlar davomida raqiblari bilan bir necha bor to‘qnash kelgan.
Shuningdek, Vinisius “Malyorka” futbolchilarini “Siz g‘alaba qozonasiz deb o‘ylaysizmi?” deb g‘azablantirgani aytilgan. "Real Madrid" futbolchilari braziliyalik futbolchidan bunday qilmaslikni ko‘p marta so‘rashgan.
