"Барселона" ҳужумчиси Рафинья "Реал" вингери Винисиус Жуниорни қўллаб-қувватлади.
Охирги кунларда Винисиусни майдондаги хатти-ҳаракатлари учун танқид қилишди ва рақибларга ҳурматсизликда айблашди.
"Вини, мен сени рақсга тушишингни кўришни хоҳлаяпман”, — деб ёзди Рафинья Instagram'га Винисиуснинг суратини жойлаб.
"Мальорка" бош мураббийи Хавьер Агирре Ла Лига доирасида "Реал"га қарши ўйинда (1:4) ўз ўйинчиларига Винисиус ҳақида: "Уни синдириб ташла" дегани аввалроқ хабар қилинганди. Бразилиялик футболчи ўйинлар давомида рақиблари билан бир неча бор тўқнаш келган.
Шунингдек, Винисиус “Мальорка” футболчиларини “Сиз ғалаба қозонасиз деб ўйлайсизми?” деб ғазаблантиргани айтилган. "Реал Мадрид" футболчилари бразилиялик футболчидан бундай қилмасликни кўп марта сўрашган.
