Germaniya terma jamoasi sentyabr oyida bo‘lib o‘tadigan Millatlar Ligasi doirasidagi o‘yinlar uchun chaqirilgan futbolchilar ro‘yxatini ma’lum qildi.

Hans-Diter Flik shogirdlari 23 sentyabr kuni Vengriya bilan o‘ynaydi. 26 sentyabrda esa Angliyaga qarshi uchrashuv bo‘lib o‘tishi rejalashtirilgan.

Qaydnomaga kiritilgan futbolchilar ro‘yxati bilan tanishing:

Darvozabonlar: Manuel Noyer («Bavariya»), Mark-Andre ter Shtegen («Barselona»), Kevin Trapp («Ayntraxt»);

Himoyachilar: Armel Bella-Kochap («Sauthempton»), Mattias Ginter («Frayburg»), Robin Gozens («Inter»), Tilo Kerer («Vest Hem»), David Raum («Leypsig»), Antonio Ryudiger («Real»), Niko Shlotterbek, Niklas Zyule (ikkisi – «Borussiya D»);

Yarim himoyachilar va hujumchilar: Yulian Brandt, Marko Roys (ikkisi – «Borussiya D»), Serj Gnabri, Leon Goretska, Yozua Kimmix, Tomas Myuller, Jamal Musiala, Leroy Sane (barchasi – «Bavariya»), Ilkay Gundo‘g‘an («Manchester Siti»), Kay Havers («Chelsi»), Yonas Hofmann («Borussiya M»), Lukas Nmecha («Volfsburg»), Timo Verner («Leypsig»).

Avvalroq Fransiya, Portugaliya va Angliya musobaqaning sentyabr oyidagi o‘yinlari uchun tarkibni e’lon qilgandi.