"Valensiya" bosh murabbiyi Jennaro Gattuzo hujumchi Edinson Kavanining jamoa safida debyut o‘tkazishi haqida fikr bildirdi.
“Edinson o‘yinni asosiy tarkibda boshlashni xohlamadi. U o‘z formasiga shubha qildi. Lekin men u boshida paydo bo‘lishi kerak, deb qaror qildim. Qarorimdan juda xursandman. Edinson - asosiy tarkibda o‘ynash uchun hamma narsaga ega bo‘lgan futbolchilardan biri. Aksincha, u formasini yaxshilash uchun ko‘proq o‘ynashi kerak", - deya Gattuzoning so‘zlarini keltiradi Marca.
Ispaniya chempionati doirasidagi “Selta”ga qarshi o‘yinda (3:0) 35 yoshli urugvaylik futbolchi 72 daqiqani maydonda o‘tkazdi.
