"Atletiko" prezidenti Enrike Sereso "Real" vingeri Vinisius Juniorning gollarni nishonlash uslubi haqida gapirdi.
La Liganing 6-turidan o‘rin olgan "Madrid derbi"si bugun tunda Toshkent vaqti bilan 00:00da boshlanadi.
"Bizga kerak bo‘lgan narsa Vinisiusning bizga qarshi gol urishiga yo‘l qo‘ymaslikdir. Agar u buni qilsa va nishonlamoqchi bo‘lsa, nishonlasin, lekin to‘g‘ri tarzda va tribunadagi muxlislarga hurmat bilan.
- Raqsni hurmatsizlik deb hisoblash mumkinmi?
- Agar u raqsga tushsa, Vinisiusdan samba o‘rgatishni so‘rayman. Men Rio-de-Janeyrodagi navbatdagi Braziliya karnavalida qatnashmoqchiman va sambada raqs tushishni o‘rganmoqchiman. Menga yordam bersin.
- Ushbu o‘yinda kim favorit?
- Kuchlar teng, lekin biz Ispaniya chempioni va Chempionlar ligasi g‘oliblari bilan uchrashayotganimizni yodda tutishimiz kerak. Biz maydonga g‘alaba qozonish uchun tushamiz, ajoyib o‘yin o‘tkazishni xohlaymiz. Muxlislar oldidan qarzimiz bor va bugun uni qaytarish uchun ajoyib kun”, - dedi Enrike Serezo.
