"Атлетико" президенти Энрике Сересо "Реал" вингери Винисиус Жуниорнинг голларни нишонлаш услуби ҳақида гапирди.
Ла Лиганинг 6-туридан ўрин олган "Мадрид дерби"си бугун тунда Тошкент вақти билан 00:00да бошланади.
"Бизга керак бўлган нарса Винисиуснинг бизга қарши гол уришига йўл қўймасликдир. Агар у буни қилса ва нишонламоқчи бўлса, нишонласин, лекин тўғри тарзда ва трибунадаги мухлисларга ҳурмат билан.
- Рақсни ҳурматсизлик деб ҳисоблаш мумкинми?
- Агар у рақсга тушса, Винисиусдан самба ўргатишни сўрайман. Мен Рио-де-Жанейродаги навбатдаги Бразилия карнавалида қатнашмоқчиман ва самбада рақс тушишни ўрганмоқчиман. Менга ёрдам берсин.
- Ушбу ўйинда ким фаворит?
- Кучлар тенг, лекин биз Испания чемпиони ва Чемпионлар лигаси ғолиблари билан учрашаётганимизни ёдда тутишимиз керак. Биз майдонга ғалаба қозониш учун тушамиз, ажойиб ўйин ўтказишни хоҳлаймиз. Мухлислар олдидан қарзимиз бор ва бугун уни қайтариш учун ажойиб кун”, - деди Энрике Серезо.
