"Milan" bosh murabbiyi Stefano Pioli "Napoli"ga qarshi o‘yin natijasidan norozi.

"Rossonerlar" o‘z maydonida 1:2 hisobida yutqazib, joriy mavsumdagi ilk mag‘lubiyatini qabul qildi.

“Bo‘lgan voqeadan umuman mamnun emasman. Futbolchilarim ham bu natijadan norozi bo‘lishsa kerak. O‘ylaymanki, bunday o‘yinda mag‘lub bo‘lmasligimiz kerak edi. Ba’zida raqibingiz yaxshiroq bo‘lgani uchun mag‘lub bo‘lasiz, ammo bu o‘yin unday emas. Biz qat’iyatliroq va aniqroq bo‘lishimiz kerak, ammo bugun biz borimizni berdik", - dedi milanliklar ustozi DAZN nashriga.

“Napoli” A Seriyada “Atalanta” bilan birga 17 ochko jamg‘argan holda peshqadamlik qilmoqda. "Milan" 14 ochko bilan beshinchi o‘rinda bormoqda.