"Милан" бош мураббийи Стефано Пиоли "Наполи"га қарши ўйин натижасидан норози.
"Россонерлар" ўз майдонида 1:2 ҳисобида ютқазиб, жорий мавсумдаги илк мағлубиятини қабул қилди.
“Бўлган воқеадан умуман мамнун эмасман. Футболчиларим ҳам бу натижадан норози бўлишса керак. Ўйлайманки, бундай ўйинда мағлуб бўлмаслигимиз керак эди. Баъзида рақибингиз яхшироқ бўлгани учун мағлуб бўласиз, аммо бу ўйин ундай эмас. Биз қатъиятлироқ ва аниқроқ бўлишимиз керак, аммо бугун биз боримизни бердик", - деди миланликлар устози DAZN нашрига.
“Наполи” А Серияда “Аталанта” билан бирга 17 очко жамғарган ҳолда пешқадамлик қилмоқда. "Милан" 14 очко билан бешинчи ўринда бормоқда.
