"PSJ" yarim himoyachisi Marko Verratti Italiya terma jamoasini tark etdi, deya xabar beradi jurnalist Adriyen Grenyer.
Futbolchi Parijga qaytib ketdi, u yerda tiklanish jarayoni bo‘lib o‘tadi.
Yarim himoyachi Fransiya chempionatining 8-turidan o‘rin olgan “Lion”ga qarshi o‘yinda (1:0) boldiridan jarohat olgandi. Verratti terma jamoa joylashgan joyga yetib keldi va u yerda tibbiy ko‘rikdan o‘tdi, natijada Verratti keyingi o‘yinlarda qatnasha olmasligi aniqlandi.
Avvalroq Verratti Italiya terma jamoasiga Millatlar ligasi doirasida sentyabr oyida Angliya (23 sentyabr) va Vengriya (26 sentyabr)ga qarshi o‘yinlar uchun chaqirilgan edi.