"Leypsig" o‘z yarim himoyachisi Dani Olmoga yangi shartnoma taklif qilmoqchi. Bu haqda insayder Nikolo Skira xabar bermoqda. Yangi shartnoma shartlariga ko‘ra, futbolchining maoshi 5-5,5 million yevroni tashkil qilishi kerak.

24 yoshli ispaniyalik futbolchi joriy mavsumda barcha turnirlarda 7 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Olmo va "Leypsig" o‘rtasidagi amaldagi kelishuv 2024 yil oxirigacha amal qiladi. Transfermarkt portali ma’lumotlariga ko‘ra, futbolchining narxi 40 million yevroga teng.

“Leypsig” yetti turdan keyin 8 ochko bilan Germaniya chempionati turnir jadvalida 12-o‘rinda bormoqda.