"Лейпциг" ўз ярим ҳимоячиси Дани Ольмога янги шартнома таклиф қилмоқчи. Бу ҳақда инсайдер Николо Скира хабар бермоқда. Янги шартнома шартларига кўра, футболчининг маоши 5-5,5 миллион еврони ташкил қилиши керак.
24 ёшли испаниялик футболчи жорий мавсумда барча турнирларда 7 та ўйинда майдонга тушиб, 2 та гол урди ва 3 та голли узатмани амалга оширди. Ольмо ва "Лейпциг" ўртасидаги амалдаги келишув 2024 йил охиригача амал қилади. Тransfermarkt портали маълумотларига кўра, футболчининг нархи 40 миллион еврога тенг.
“Лейпциг” етти турдан кейин 8 очко билан Германия чемпионати турнир жадвалида 12-ўринда бормоқда.
