Turinning “Yuventus” klubi va Italiya terma jamoasining sobiq himoyachisi Fabio Kannavaro Italiyaning ikkinchi divizionidagi “Benevento” klubi bosh murabbiyi bo‘lishi mumkin, deb yozadi jurnalist Fabrisio Romano ijtimoiy tarmoqdagi sahifasida.
Manbaning xabariga ko‘ra, Kannavaro klub rahbariyati bilan muzokaralar olib bormoqda. Xabar qilinishicha, tomonlar o‘rtasidagi muzokaralar yaxshi ketmoqda va yaqin orada kelishuvga erishilishi mumkin.
Eslatib o‘tamiz, Kannavaroning Yevropada murabbiy sifatida tajribasi yo‘q. Italiyalik mutaxassis bungacha “Al-Ahli”, “Guanchjou Evergrand”, “An-Nasr”, “Tyanszin Tyuanszyan” kabi klublarda murabbiylik qilgan.
