Туриннинг “Ювентус” клуби ва Италия терма жамоасининг собиқ ҳимоячиси Фабио Каннаваро Италиянинг иккинчи дивизионидаги “Беневенто” клуби бош мураббийи бўлиши мумкин, деб ёзади журналист Фабрицио Романо ижтимоий тармоқдаги саҳифасида.
Манбанинг хабарига кўра, Каннаваро клуб раҳбарияти билан музокаралар олиб бормоқда. Хабар қилинишича, томонлар ўртасидаги музокаралар яхши кетмоқда ва яқин орада келишувга эришилиши мумкин.
Эслатиб ўтамиз, Каннаваронинг Европада мураббий сифатида тажрибаси йўқ. Италиялик мутахассис бунгача “Ал-Аҳли”, “Гуанчжоу Эвергранд”, “Ан-Наср”, “Тянсзин Тюанцзян” каби клубларда мураббийлик қилган.
