"Milan"ning portugaliyalik hujumchisi Rafael Leau "Manchester Siti"ning transfer maqsadi bo‘lib qolmoqda. Bu haqdaManchester Evening News sahifalarida xabar berildi.
Manba bergan xabarga ko‘ra, Angliya chempioni futbolchi transferini 2023 yilda rasmiylashtirishni kutmoqda. Leauning "rossonerilar" bilan shartnomasi 2023/2024 yilgi mavsum oxirigacha mo‘ljallangan. 23 yoshli hujumchining transfer qiymati 70 million yevroga baholanmoqda.
Portugaliyalik futbolchi joriy mavsumda 6 ta o‘yinda maydonga tushib, 3 ta gol va 3 ta golli uzatmani amalga oshirdi.