"Barselona" yarim himoyachisi Pedri bu yozda "Bavariya"dan 50 million yevro evaziga kataloniyaliklar jamoasiga o‘tgan hujumchi Robert Levandovski bilan o‘yin haqidagi taassurotlari bilan o‘rtoqlashdi.
“Hamma uning o‘yinini, urgan gollarini ko‘radi. Robert bizga ko‘p narsa beradi. Umid qilamanki, u xuddi shunday ruhda davom etadi, chunki u bilan birga o‘ynash katta sharafdir", - deya Pedri so‘zlarini keltiradi Ispaniyaning Mundo Deportivo nashri.
Levandovski chempionatda 8 ta gol urdi. La Ligada to‘purarlar jadvalida peshqadamlik qilmoqda.
