Braziliyaning "Atletiko Paranaense" jamoasi hujumchisi Vitor Roke Yevropaning bir qator grand klublari qiziqishlari doirasida bo‘lib turibdi.

Sport.es portali xabariga ko‘ra, "Barselona", "Real" va "Yuventus" 17 yoshli braziliyalik hujumchini o‘z safiga qo‘shib olmoqchi. "Atletiko Paranaense” klubi u uchun "Yuve"dan kelgan birinchi taklif (15 million yevro)ni rad etishga ham ulgurdi.

17 yoshli markaziy hujumchi Transfermarkt portalida 7 million yevroga baholangan. Professional faoliyatidagi jami 40 ta o‘yinda Vitor raqiblar darvozasiga 13 bor yo‘l topgan, shuningdek, 4 ta golga hammualliflik qilgan.