Бразилиянинг "Атлетико Паранаэнсе" жамоаси ҳужумчиси Витор Роке Европанинг бир қатор гранд клублари қизиқишлари доирасида бўлиб турибди.

Sport.es портали хабарига кўра, "Барселона", "Реал" ва "Ювентус" 17 ёшли бразилиялик ҳужумчини ўз сафига қўшиб олмоқчи. "Атлетико Паранаэнсе” клуби у учун "Юве"дан келган биринчи таклиф (15 миллион евро)ни рад этишга ҳам улгурди.

17 ёшли марказий ҳужумчи Transfermarkt порталида 7 миллион еврога баҳоланган. Профессионал фаолиятидаги жами 40 та ўйинда Витор рақиблар дарвозасига 13 бор йўл топган, шунингдек, 4 та голга ҳаммуаллифлик қилган.