"Chelsi" "Vest Xem" va Angliya terma jamoasi yarim himoyachisi Deklan Raysni o‘z safiga qo‘shib olmoqchi, deb xabar beradi GivemeSport.
Manbaning xabariga ko‘ra, "aristokratlar" qishki transfer oynasida futbolchi sotib olish variantini ko‘rib chiqmoqda. Biroq futbolchini sotib olish oson bo‘lmaydi, chunki "bolg‘achilar" futbolchini 80 million yevroga baholamoqda.
23 yoshli Rays joriy mavsumda "Vest Xem" safida 9 ta o‘yinda maydonga tushdi va bitta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.