Polsha terma jamoasi hujumchisi Robert Levandovski Millatlar ligasi doirasidagi Niderlandiyadan uchralgan mag‘lubiyat (0:2) haqida fikr bildirdi.

"Bu o‘yinda kuchsizlik va ojizlik bo‘ldi. Niderlandiya terma jamoasida tajriba va sifat bor. U ko‘p 100 foizli imkoniyatlar yarata olmagan bo‘lishi mumkin, lekin ikkita gol ura oldi. Biz uchun esa nimadir yaratish va uni zarba bilan yakunlash qiyin edi. Ikkinchi gol bizni esankitarib qo‘ydi. Bizga g‘oya yetishmadi. Biz tavakkal qilishdan qo‘rqdik, gol urishimizga ishonchimiz yo‘q edi. Niderlandiya termasi doimo himoyada ustunlikka ega bo‘lgan. To‘pni jarima maydonchasiga kerakli vaqtda yetkazib berish, zarba berishda ham qiyinchiliklarga duch keldik. Biz o‘z maqsadimizdan juda uzoqda edik. Bugun nima bo‘lganini tahlil qilish, nima ish bermaganini tushunish va jahon chempionati paytida uni ancha yaxshi ko‘rsatish vaqti keldi. Vaqt yetarlimi? Nazariy jihatdan vaqt yetarli, lekin undan qanday foydalanishimiz o‘zimizga bog‘liq" - dedi Levandovski Przeglad Sportowy bilan suhbatda.