Польша терма жамоаси ҳужумчиси Роберт Левандовски Миллатлар лигаси доирасидаги Нидерландиядан учралган мағлубият (0:2) ҳақида фикр билдирди.

"Бу ўйинда кучсизлик ва ожизлик бўлди. Нидерландия терма жамоасида тажриба ва сифат бор. У кўп 100 фоизли имкониятлар ярата олмаган бўлиши мумкин, лекин иккита гол ура олди. Биз учун эса нимадир яратиш ва уни зарба билан якунлаш қийин эди. Иккинчи гол бизни эсанкитариб қўйди. Бизга ғоя етишмади. Биз таваккал қилишдан қўрқдик, гол уришимизга ишончимиз йўқ эди. Нидерландия термаси доимо ҳимояда устунликка эга бўлган. Тўпни жарима майдончасига керакли вақтда етказиб бериш, зарба беришда ҳам қийинчиликларга дуч келдик. Биз ўз мақсадимиздан жуда узоқда эдик. Бугун нима бўлганини таҳлил қилиш, нима иш бермаганини тушуниш ва жаҳон чемпионати пайтида уни анча яхши кўрсатиш вақти келди. Вақт етарлими? Назарий жиҳатдан вақт етарли, лекин ундан қандай фойдаланишимиз ўзимизга боғлиқ" - деди Левандовски Przeglad Sportowy билан суҳбатда.