"Yuventus" vise-prezidenti Pavel Nedved o‘z lavozimini tark etishi mumkin. Bu haqda Il Mesaggero xabar beradi.
Ta’kidlanishicha, uning ketishiga ichki kelishmovchiliklar sabab bo‘lgan. Nedvedning o‘zi jamoa bosh murabbiyini o‘zgartirish tarafdori, ammo "keksa sinyora" prezidenti Andrea Anyelli Massimiliano Allegrini iste’foga chiqarish g‘oyasini qo‘llab-quvvatlamaydi.
Oldinroq «Yuventus» murabbiyni istefoga chiqarmoqchi emasligi, chunki klub mutaxassisga 21 million yevro miqdorida moddiy tovon puli to‘lashi kerakligi haqida xabar berilgandi.
Turin klubi yetti turdan keyin o‘n ochko jamg‘arib, Italiya chempionati turnir jadvalida sakkizinchi o‘rinda bormoqda.
