Angliya terma jamoasi bu mavsum Millatlar ligasida sensasion darajada yomon o‘ynadi, beshta o‘yindan birortasida g‘alaba qozona olmadi, juma kuni italiyaliklar tomonidan mag‘lub bo‘ldi.
Bu Angliyaning Yevro-2020 finalidagi mag‘lubiyati uchun kichik qasos bo‘lishi mumkin edi. Ammo ikkinchi bo‘lim o‘rtalarida Jakomo Raspadori tomonidan kiritilgan gol futbol asoschilarining umidlarini puchga chiqardi.
Ma’lum bo‘lishicha, Angliya terma jamoasi 45 yildan beri muhim o‘yinda italiyaliklarni mag‘lub eta olmayapti. Oxirgi marta 1977 yil 16 noyabrda Londonda inglizlar 2: 0 hisobida g‘alaba qozonishgan.
