"Manchester Yunayted" David De Xea bilan shartnomani uzaytirishi mumkin.
Darvozabon bilan amaldagi kelishuv shu mavsum oxirigacha tuzilgan. Klub shartnomani 2024 yilgacha uzaytirish variantini faollashtirish yoki yo‘qligini ko‘rib chiqmoqda. Oldinroq "Yunayted" futbolchilarning maoshi uchun rekord darajada - yiliga 384 million funt sterling sarflagani haqida xabar bergandi.
De Xea 2019 yilda haftasiga 350 000 funt sterlingga shartnoma imzolagandi, ammo o‘tgan mavsumda "Manchester Yunayted" Premyer-ligada kuchli to‘rtlikni qo‘ldan boy berganidan so‘ng bu pul kamaydi.
"Yunayted" yaqin oylarda darvozabon bilan shartnomani yana bir yilga uzaytirish yoki uni tekinga qo‘yib yuborish haqida qaror qabul qiladi.
Agar ispaniyalik ketsa, klub uning o‘rniga o‘yinchi bilan shartnoma imzolaydi va "Manchester Yunayted"ga kelishi mumkin bo‘lgan deyarli har qanday darvozabon Daviddan kamroq maosh oladi.
Hozirda, “Yunayted” “Everton” darvozaboni Jordan Pikfordni kuzatib bormoqda. Uning Mersisayd klubi bilan shartnomasi 2024 yilgacha mo‘ljallangan va u top-klubga o‘tishdan manfaatdor.
De Xea "Manchester Yunayted"da 2011 yildan buyon to‘p tepadi. Joriy mavsumda u APLning 6 ta o‘yinida 8 ta gol o‘tkazib yubordi.
